بسم الله الرحمن الرحيم
موضوع توثيق الشهادات ده موضوع بجد شاق ومتعب لكن كل واحد مسافر بره محتاجه
بدايه الرحله وباختصار انك بتستخرج شهادة مؤقته من كليتك
بتروح توثق الشهادة دى من ادارة الجامعة بتروح الاداره وتسال على التوثيق المهم بتدفع رسوم فى الخزنه ويديك شوية طوابع تطلع بيهم للموظف هياخدهم منك ويقولك انت كلية ايه وبعدين يقولك عدى على كمان ساعه كده تكون خلصت
المرحلة اللى بعد كده انك بتروح فرع وزارة الخارجيه فى محافظتك عموما بيبقى فى مبنى المحافظة وهو بيكون خاص بالتصديقات بتروح بتدفع 11 جنيه وتوثق الشهادة من وزارة الخارجيه بيديلك طابع وعلية ختم النسر وختم تانى مربع وعليه ختم النسر
اخر مرحلة انك بتاخد الشهادة وتطلع بيها على مكتب سفريات او رحلات عمرة وحج وتقوله انك عاوز توثق الشهادة من القنصليه
بياخد منك مبلغ طبعا بيلعب من 150 -250 جنيه على حسب المكتب التوثيق من القنصليه بياخد تقريبا من اسبوع لأسبوعين على حسب
والف الف مبروووك الشهادة اتوثقت
